السيرش هوة اللي

السيرش هوة الللي

مقولات عامة في السيرش

Maha Omar: دي مسألة متروكة للسيرش هوة يقول فيها رأيه بحرية تامة و شفافية و مهلبية
hana saber: و جوز ولوز ومكسرات و بنات شربات
hana saber: لا بجد
hana saber: انا باقولك تشوفيه قبل ما يقوللك هما وتقوللهم والله ما شفته

Maha Omar: انا اللي رماني زماني و انتا استلقيتني
Maha Omar: انا مش شايف غير سيرش لولي

hana saber: انت فين؟؟؟؟؟؟؟؟؟؟؟
hana saber: ايه يا بنتىدة؟؟؟؟؟؟
Maha Omar: انا في السيرش اغوص
hana saber: النت وسنينه
Maha Omar: انا من ضيع عمره في السيرش
Maha Omar: لو اني اعرف السيرش ما كنت بدأت
Maha Omar: لسة فاكر السيرش يديلك أمان ؟
Maha Omar: و اللا فاكر جوجل هيعيد اللي كان
BUZZ!!!

hana saber: انا و السيرش وهواه
hana saber: فى السيرش يا ولدى طريقك مسدود مسدود
hana saber: لا بايخة
hana saber: صيغيها ان
hana saber: انت
hana saber: السيرش الشعبى
hana saber: انت سيرشى
hana saber: اقلب الأيقونة على فمها تطلع الكليكة لأمها
hana saber:
Maha Omar: هاهاهاهاهاها
BUZZ!!!
Maha Omar: لا لا لا
Maha Omar: سيرشي أنا .. من يكون ؟
hana saber: هو ايه اللى لالالالال
hana saber: يا خلى الفيلد ..
hana saber: يا حبيبى
hana saber: فينه بلوجى فينه
hana saber: !!!!!!!!!11111
Maha Omar: لو في سيرشك قد جوجل حقد ..
hana saber: فينه بلوجى فينه
Maha Omar: بين ياهو و جوجل سيرشين
Maha Omar: و مررت أمسي على الماوس
Maha Omar: انفض التراب المعشش في الجهاز
Maha Omar: و أقبل المودم
hana saber: الهياس الأعظم
Maha Omar: و الكايييييس
hana saber: و له انحاناءات الراوتر
Maha Omar: (laughing)
Maha Omar: (laughing)
Maha Omar: حلوةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة
hana saber: بلوجى وطمطم
Maha Omar: ليدين من فورم و وويندوز
hana saber: بلوجى وطمطم
Maha Omar: اعطني باس ووردي أطلق ايميلي
Maha Omar: ااني سيفت ما كنسلتو شيئا
hana saber: انا بيل جيتس قال....انا الرصاص الويندوز ...ال1كرايت
hana saber: (laughing)
Maha Omar: (laughing)
hana saber: كن فيس بوكى .........
hana saber: عض ايميلى ولا تعذ بلوجى
hana saber: و لا تعض بلوجى
Maha Omar: مال البلوج ماله
Maha Omar: مفيش كومنت على باله
hana saber: قال خاد البلوج على حاله
hana saber: ..............
Maha Omar: كل شي عم يتسيف
Maha Omar: يامه المسج عل الباب
hana saber: بين بلوجين و موقع
Maha Omar: واخد ميجابايت كتييير
hana saber: قديش كان فى مداخلات
Maha Omar: ههههههههههههههههههههههههههههه
hana saber: ايه الهياس دة
hana saber: يا ربى
Maha Omar: سيفني مرة
hana saber: متخفيش انا مش هكنسل ...متخفيش لومين ندانى
Maha Omar: و كانسلني مرة
hana saber: بس بقة كفــــــــــــــــــــــــــــــــــــــــــــــاية
Maha Omar: كتنم مع
Maha Omar: بلوجي وطمطم في الياهو ماسنجر
hana saber: تهيس فى اللالاس
hana saber: (laughing)

أفكــــــار جهنـــمية
فكرة (1)"تظبيط "

غرفة بيضاء نظيفة ، تبدو و كأنها غرفة في مستشفى خاص .. الغرفة متسعة و في المنتصف سرير يرقد به شخص نائم متصل به عدة أجهزة و هناك من بعيد نافذة صغيرة يتلعق من خلفها ابليس صغير يحمل بيده هاتف محمول ..

ابليس 1 : وله ازيك واحشني شوي ! .. أنا تمام قريني نايم متلئح من شهر أهه
لا يا عم .. انا ضميري مرتاح ... أصله طب ساكت و هو بيظبط " يضحك "
و يبدو أن الطرف الآخر كان يضحك أيضا

" هنخليهم كلهم يظبطوا "

فكرة 2"موزاكرة"
غرفة في منزل .. ولد يبدو أنه يدرس .. يدخل الاب و معه كوب شاي : زاكر يا حمادة احنا أملنا فيك كبير يا حبيبي
قليلا و قبل أن يندمج حمادة في الدراسة تدخل الام و معها طبق فيه ساندوتشات : حمادة يا حبيبي .. انا قلت انتا جعت بعد ما اتعشيت معانا .. زاكر يا حبيبي انتا مش أقل من فيفي بنت عمك ان شاء الله هتجيب محموع كبير و تدخل صيدلة

تخرج الام و يرن هاتف حمادة : ايوة يا محمود .. ايه ملزمة ايه ؟ ايوة ملزمة اليالي العشر ما قبل المتحان ؟؟ يااادي النيلة !

و فجأة ينقطع النور ... و تبدأ أسئلة من نوع آخر يطرحها حمادة على نفسه و في الخلفية يظهر قرين حمادة أبو نظارة طبية : هوة ... هوة ربنا شكله ايه ؟ .. يعني هوة جه منين ؟؟؟؟؟

يحتاااااار حمادة ... و فجأة ياتي النور و يهرب قرين حمادة أبو نظارة
يمسح حمادة وجهه بكف يده : أستغفر الله العظيم !

فكرة 3 "حلال .. حرام "
طاولة في مطعم فاخر عليها ما لذ و طاب شيخ يبدو جالسا على المائدة و معه رجل يرتدي بدلة فاخرة و معهما قرين ما لم يتبين هل هو قرين الشيخ أم قرين الرجل ذو البدلة الفاخرة : يبدأ الشيخ بالأكل و يشاركه المواطن على استحياء .. و يدور بينهما الحديث التالي

- مولانا .. أنا عاوز الحلقة بتاعت البرنامج تبقى جامدة .. هه !
- متقلقش يا ابني في شوية فتاوي هتفجر الحلقة بكرة
- بجد ؟
يقول القرين " فكره بلازي منه"
- ايه أخبار اللي اتفقنا عليه ؟
- تمام يا مولانا
- و انا كمان تمام انا في الحلقة دي مش هخلي حد يغمض عينيه !

فكرة4" شخصية العام "

مكان غريب واسع مزين بشكل غريب و مريب مظلم و لكنه متوهج بظلمة الخطيئة مملوء بهم في كل اتجاه في كل ركن و كأنهم .. أي هذا الحشد مجتمعون لحدث مهم .. عفاريت الشر متناثرون في كل مكان .. و في العمق مسرح كبير .. ترفع الستار فيصعد أحدهم على المنصة : اليوم أعزائي الاباليس نكرم شخصية العام تلك الشخصية الجهنمية الافعال تلك .. التي قدمت أروع مثال على هدفنا الذي نعيش جميعا من أجله .. تعالوا بنا نكرم الابليس المتميز " عكننة "
" تصفيييق حااااااااااااااااااااااااااااااد " .. مشاعر متوهجهة .. الجو يزداد سخونة و احدهم يشبك اصابعه قائلا في نشوة " فلتحل عليه اللعنة "
يصعد عكننة يبدو ابليسا في سن صغير حلو كدة بتاع 16 أو 17 سنة يقول : انا في قمة فخري الان سعيد بكم جدا ... سأروي لكم ما حدث ببساطة .. هوة الحقيقة الراجل كان متجوز واحدة بس كان ليها تاريخ يعني و ربنا تاب عليها .. فأنا حسيت ان دي مهمتي .. مامتها مرضت و خرجت راحتلها المستشفى و نسيت تتصل بيه و كمان موبايلها كان فاصل شحن المهم الوقت اتأخر و مكلمتتش جوزها اللي مكانش موجود لما مامتها دخلت المستشفى و ما يعرفش حاجة ... أنا هنا حسيت انه جه دوري و فضلت أوسوسله .. هيه دي اللي لمتها من الشارع و عملتها بني أدمه و هوة ديل الكلب كدة ... و كل الحاجات اللي اتدربنا عليها طبقتها ... و فعلا هيه أصلا غلطانة و هوة مشحون مني طبعا فراح ... مطلقها
و هنا يصفق الجمهور " برافووووووووووووو " .

فكرة5
" ورشة عمل في جهنم "
- احنا التزمنا .. و آن الاوان نعمل حاجة ...
- اهلنا و اخواتنا بيموتوا كل يوم في العراق و فلسطين و احنا واقفين نتفرج
- لازم ندمر أمريكا
- لازم نضربهم ضربة رجل واحد فيتفرق دمهم في القبائل .
- ايوة هوة ده
- بس هنوصل فكرنا ازاي للبني أدمين دول ؟
- مش عارف
- مفيش غير غسيل المخ
- ايوة جاحة جامدة مووز و نتايجها مضمونة !
- ياله ؟
- ياله !
- الجرائد : " مصرع أكثر من ستة آلآف شخص في انهيار برجي التجارة في الولايات المتحدة "

فكرة 6 " زيارة متوقعة ! "

حديقة صغيرة يتناثر فيها العجزة هنا وهناك .. هذا يتمشى مع كلبه و الآخر يمارس شيئا من الرياضة .. احداهن تتناول دوائها من الممرضة دار العجزة تلك يبدو أنها في الخارج و يبدو ذلك واضحا من المعالم الأجنبية لرواد المكان ..
و يجلس أحدهم على كرسيه المتحرك متأملا صامتا كئيبا كأنما يسترجع تاريخا ما
بينما هو يتوجه اليه مقررا الصعود من باطن العذابات الى سطح الارض بكل خسته و حقارته مصطحبا معه لعنته الابدية و كل اللعنات بنفسه هو ذاته .. يهبط على السطح أمامه مباشرة و لا تبدو تلك من جلساته العادية .. فهو لا يأتي أبدا للقاءات العادية ..
يضع يده على فخذه : لطالما كنت تلميذا نجيبا لي و قد نفذت تعليماتي طوال عمرك الماضي بحذافيرها .. لكم أنا ممتن لأنني أراك هنا وحدك! .. و لكن اعذرني فأنا لا أملك قدرات الرب لأشفيك من الشلل الذي أصبت به و ليس بيدي حيلة لأعيد اليك ذاكرتك التي خربها المرض .. و لكن يمكنني أن أطلعك على عملك السابق الذي سخرته من أجلي .. أنت يا عزيزي حاكم سابق !

فكرة 7 " شاي بلبن"

- نعيمة اعمليلي شاي بلبن
"بسم الله الرحمن الرحيم نويت أصلي العصر "
الله أكبر: نعيمة عليها شاي الله يقرفها عليه .. يارتني قلت للبت زينب تعمله .. سمع الله لمن حمد .. يييييه نسيت أكلم الوله محمد يشوف للوله علي شغلانة معاه في الخليج ؟ و اللا أكلم سعيد أحسن ؟ ياله ربنا ييسر .. الله أكبر .. البت سمية مش عاجباني مش بتذاكر زي الناس ... الله أكبر ... هوة اللي فيهم عبده حبيبي ربنا يرجعك لينا سالم من الجيش يا ضنايا .. ييه الواحد مش هيعرف يشرب الشاي من ايد البت نعيمة ! .. السلام عليكم و رحمة الله ..
- بابا أنا عملتلك الشاي ...
- ايه القرف ده ؟! .. أنا طول ما أنا بصلي و انا بقول انك هتعمليه زي وشك!