اتعلمت حاجة جديدة لكن أنا مش قادرة أتقبلها و مش عارفة هل ده لأني شخصية عاطفية
بلهاء من الدرجة الأولى ؟؟
و الا عشان انا مش معتودة في حياتي على الحلول المنطقية ؟؟ مع إن اختياراتي كلها في
حياتي كانت اختيارات منطقية و الله
اتعلمت ان الانسان لازم يعمل حاجة واحدة في حياتو على الاقل هوة مش بيحبها ،زي مثلا انو يركب المترو بدل الاتوبيس المكيف عشان يوفر جنيه
أو أنو يشتغل شغلانة مش بيحبها عشان لازم يصرف على نفسو
اتعلمت ان ارض الواقع بينها و بين الاحلام كوبري لازم الكوبري يكون ميسر لعبور
الحقايق من الواقع للحلم ،، يعني بالبلدي لازم الفرق بين الواقع و الحلم يكون صغير
و انا كنت زمان بحلم على قدي ،، و لما كبرت شوية حلمي مسعنيش ، بقى صغير أوي
عليا ، فحلمت حلم كبير أوي لاقيته كبير جدا عليا فضفاض جدا ،،،، لدرجة انو مش
مقاسي خالص،،، و يمكن مش بتاعي خالص
فقررت أكون أنا ألبس حلم على قدي
و هصبح على الشمس كل يوم بس هقولها صباح الخير يا شمس لا أنا جارة و لا انتي
جارتي
عارفة ان كلامي فيه مرارة ،، بس مش هية دي الحقيقة ؟ مش كل واحد فينا لازم يحلم على قدو ؟
