هل أنا حقا أفهم ما أفهمه و لا أنا مش فاهمة ؟، و الا أنا فاهمة و عايزة أعمل نفسي مش فاهمة ؟
ماذا تعني الزيادة في الاسعار ؟ ، و هل هذه الزيادة تمس أصحاب السيارات الفارهة فقط مثلا ؟، طيب ماشي و الكلام على مسئولية نظيف
وقال رئيس الوزراء "لم ترتفع أسعار البوتاجاز على سبيل المثال بالإضافة إلى أن أسعار السولار زادت بنسبة 12 % فقط"।
يعني انا عاوزة أفهم حاجة بالله عليكو عشان انا مش فاهمة
هوة مش زيادة سعر البنزين يعني زيادة في جميع الاسعار الأخرى ؟؟؟ و الا ايه ؟؟؟
و مش الزيادة في سعر البنزين يعني زيادة في حرق دم الشعب اللي اساسا يشتعل و قابل للاشتعال ؟؟؟
و عموما
أشكرك سيادة الرئيس على وعدك بالعلاوة ،،،
التي جعلت شعبكم المكافح سنفجر في وقت قريب جدا جدا أقرب مما تتصورون و هذا ليس كلامي وحدي و لا هو كلام مختلق و انما هو كلام كل المحللين الاقتصاديين
و أسأل :
أين هي مصر من الرؤية الاقصتادية العالمية ؟
ماذا ستفعل مصر حين يصبح تعداد الشعب 100مليون بني آدم ؟
لماذا يتم اعلام الشعب بكل مصيبة بعد حدوثها و كأننا نعيش مع مرات أبونا و ليس مع حكومة تدير بلد بحجم مصر ؟؟؟
لماذا لم يناقش رئيس الوزراء الرئيس حسني مبارك في مصادر تمويل العلاوة الجديدة مدام هوة مش لاقي مصدر تمويل ؟؟؟
لماذا لا يوجد في مصر مصادر حقيقية لتمويل الأجور ؟؟؟
و أخيرا أقول
" ان للحكومة المصرية لفحات انسانية تجاه الشعب ،،،نشكره عليها و يبدو أننا سنتعرض لمزيد من اللفحات في هذا الصيف و حسبنا الله و نعم الوكيل "
علاوة عليك يا رب
الكاريكاتير جميل
ReplyDeleteالاسعار في مصر زي كل حاجه
الحكومه ما شيه بنظام عك عك وربك يفك
او حتى الفوضى الخلاقه
وكل حاجه على اعتبار ان محدش فاهم حاجه وحتى لو فاهم مش هيتكلم وحتى لو اتكلم وايه يعني ما يتكلم
بس نقطه حلوه بتاعت ان السولار هوا نفس غاز المطبخ دي
تقبلي مروري
لو زودوا رغيف العيش ل جنيه واحد للرغيف
ReplyDeleteلو قطعوا المية والكهربة عن الناس
لو حبسوا الناس في بيوتهم
مش هيحصل اي حاجة
لأننا اساسا شعب جبااااااااان
مات وشبع موت
خسارة فينا حتى نكون اموات
عموما انا بقول ديما بلادنا بتحرك بينا
ReplyDeleteسبحان الله مش عارف هتتحرك تروح فين بس يلا سيبوها تتحرك بينا وماحدش يكلمها
وربنا يخلي العلاوة واللي بدعها ويرحمنا ..علي فكرة البنزين خطر علي الصحة فلازم يغلي يا شباب وبعدين ده جهة امنية عليا ...أفهموا بقي
امم للاسف بكره محدش هيركب مواصلات بنفس الاسعار محدش هيشترى حاجة بنفس الاسعار وده بسبب رفع البنزين هيخلى الباقيين يفتروا على الشعب من جشع وطمع وطبه\عا هيسبهم حسبى الله ونعم الوكيل
ReplyDeleteايه رايكم هو ممكن الشعب المصرى ميقبلش الاسعار الجديدة ممكن ميركبش مواصلات ممكن
للاسف شعب جبان
ايوه طبعا لفحة تجاه الشعب
ReplyDeleteوماحدش يقدر اننا اتلفحنا على قفانا
حد يقدر ينكر
دي حكومه
يعني فاهمه كل حاجه
نيجي ايه احنا جنبها
ها
ها
نيجي ايه؟؟؟
اللهم لا تحاسبنا بمافعلت علاوة مبارك فينا يارب
سلاموووووووووووز